حقائب السفر Travel Bags

17240326_1297550813661257_1358171644997243676_o

Shaymaa Ali (Shee)

1- حقيبة السفر الصلبة .. Solid Rolling Bag
مميزاتها أن شكلها وألوانها حلوة وجذابة وتقدروا تميزوها على السير بتاع الشنط بسهولة .. ولو معاكم حاجات قابلة للكسر حتحميها أكثر .. كمان الموديلات الحديثة منها بيكون متوفر فيها قفل أمان حديث.. عيبها أنها لو مش نوع معروف وخامتها كويسة ومصنوعة من بلاستيك غير متين حتكون معرضة للكسر بسهولة .. علشان كده لو قررتوا تشتروها هاتوا منها نوع كويس.وبلاش تنخدعوا في الأنواع الرخيصة منها لأن خامتها مش بتكون كويسة
الشنطة دي حتنفعكم أكثر لو رايحين رحلة لدول شوارعها ممهدة زي اوروبا او عواصم الدول ومش حتتحركوا بيها كتير يعني من المطار لمكان الاقامة ومن مكان الاقامة للمطار.

2- حقيبة السفر المصنوعة من القماش.. Rolling Bag
عيبها أن شكلها مش حلو قوي زي الشنط الصلبة ولما بتكون مليانة هدوم كتير بتكون تقيلة شويه ومتعبة في الحركة بس ده لأن من أهم مميزاتها أن مساحات التخزين فيها كبيرة ومن مميزاتها كمان أنها بتتحمل الصدمات وسعرها أرخص من الحقائب الصلبة وبتعيش لمدة أطول عنها.
الشنطة دي حتنفعكم أكثر لو مسافرين وحتعملوا شوبنج كتير او حتاخدوا معاكم لبس كتير لان استيعابها أكبر.

*** عموما في شنط السفر سواء حتختاروها صلبة او قماش .. اتاكدوا ان السوستة بتاعتها قوية .. وان الايدين بتاعتها قوية ولها أكثر من يد للحمل بحيث لو واحدة اتكسرت تقدروا تشيلوها من الايد الثانية .. واتأكدوا ان العجل قوي ومتين وفيه مادة من الكاوتش المريح في الحركة ويفضل انها تكون باربع عجلات بدلا من اثنين ***
.

3- حقيبة الظهر الكبيرة (شنطة الرحالة) : Travel Backpack bags
ميزتها أنها خفيفة الوزن جدا لأنها مصنوعة من القماش الخفيف وبتشيلوها على ظهركم مش محتاجة تتجر (مع ان في منها له عجلات للجر) وفيها حزام للوسط بحيث يتوزع وزن الشنطة على جسمكم كله فمتحسوش قوي بالوزن .. عيبها ان سعتها مش كبيرة .. مناسبة أكثر للناس اللي بتسافر بحاجات قليلة ..
حتنفعكم أكثر لو رايحين رحلات تخييم في الصحراء أو السفاري أو طلوع الجبال أولو في رحلتكم حتمشوا كتير بالشنطة عموما.

4- الشنطة الرياضية: Sportive Bag
مناسبة لو رايحين الساحل يومين او ثلاثة ومش حتاخدوا ملابس كتير او لو رايحين زيارة لحد فترة قصيرة او لو مسافرين داخل البلد يوم واحد او يومين.. كمان مفيدة لو مسافرين بره وحتعملوا شوبنج ومش عاوزين تاخدوا شنط سفر كتير وانتوا رايحين فممكن تأخدوها فاضية وتطبقوها وتحطوها في شنطة السفر الكبيرة وتستخدموها وانتوا راجعين.

5- حقيبة الظهر الصغيرة: Small backpack bags
مفيدة جدا في رحلات اليوم الواحد زي الرحلات المدرسية أو الجامعية.. ومفيدة لو انتوا بتسافروا ومعاكم كاميرا فتقدروا تحطوا فيها الكاميرا وتتمشوا بيها داخل البلد اللي بتزورها وحينفع تحطوا فيها سندوتشات أو سناكس تأكلوها لو حسيتوا بجوع وانتوا بتتمشوا مع زجاجة ماء.

6- حقيبة الكتف الواحد: Cross Bag or Message Bag
او بنسميها الشنطة الكروس .. دي مهمة جدا في اي سفرية لان لو حتروحوا المطار تقدروا تحطوا فيها جواز السفر واوراق الحجوزات والفلوس وحتنفعكم كمان وانتوا بتتفسحوا داخل البلد حتكون خفيفة وتحطوا فيها الحاجات البسيطة اللي بتحتاجوها خلال اليوم من غير ما تكونوا محتاجين تمسكوا شنطة في ايدكم.

7- حقيبة كابينة الطائرة: Carry on Bag
الحقيبة دي بتدخلوا بيها داخل المطار وبتتحركوا بيها في المنطقة الحرة وبتطلع معاكم على الطيارة بتحطوها في الكابينة فوق الكرسي .. بيكون لها مقاسات بتحددها شركة الطيران علشان ينفع تدخل في كابينة الطيارة بتاعتهم .. خللي بالكم ممنوع يكون فيها اي سوائل حجمها اكتر من 100 ملم .. ولو معاكم حاجة أكثر من 100 ملم يبقى حطوها في حقيبة السفر الكبيرة. وممنوع يكون فيها اي مواد حادة زي مبرد الاظافر او مقص او ولاعة او حتى هدايا لاصدقائكم تكون حادة او مدببة .. لان ممكن يتطلب منكم في التفتيش انكم ترموا الحاجات دي كلها او انكم تشحنوها لوحدها في الطيارة مش في الكابينة. عادة وزنها المسموح به من 8- 10 كيلو جرام على حسب شركة الطيران. ودي ممكن تختاروها صلبة او قماش او الشكل اللي بتحبوه لأن زي ما قولتلكم وزنها مش بيكون تقيل ومش بتكون متعبة في الجر ومش حتتعرض لصدمات النقل .. ويفضل انها تكون باربع عجلات من عجلتين.

Advertisements

Author: travelwithshee

My Name is Shaymaa Ali, you can call me (Shee) I am the founder of (Travel with Shee) Facebok page that encourage young women to travel and discover the world by themselves. اسمي شيماء علي .. أو شيي .. مؤسسة صفحة على الفيسبوك أسمها Travel with Shee بشجع البنات أنهم يسافروا ويكتشفوا العالم بنفسهم.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s